హోండా కంపెనీ ఓ సరికొత్త హ్యాండ్స్ ఫ్రీ వీల్చైర్ను తయారు చేస్తున్నది. ఇది హోవర్బోర్డులా పని చేస్తుంది. చేతులు ముడుచుకొని కూర్చుంటే చాలు.. మీరు ఏ వైపు వెళ్లాలనుకుంటే.. ఆ సైడ్ తీసుకెళ్తుంది. ‘యునీ వన్’ పేరుతో దీన్ని తీసుకొస్తున్నది. అచ్చం రోబోటిక్ చైర్లా ఉంటుంది. కాళ్లు, చేతులు కదపలేని స్థితిలో ఉన్నవారికి ఇది ఎంతో ఉపయోగకరంగా ఉంటుంది. వెళ్లాలనుకునే దిశ.. వేగాన్ని కూడా అడ్జస్ట్ చేసుకునే సౌలత్ ఉంది. మీ శరీరం ఎటువైపు వంచితే.. అటు వెళ్తుంది. సెన్సార్తో పని చేస్తుంది.
ఈ వీల్చైర్కు మొత్తం 4 టైర్లుంటాయి. కూర్చున్నప్పుడు రెండు లోపలికి పోతాయి. రెండింటిపైనే మూవ్ అవుతూ ఉంటుంది. ఆపాలనుకున్నప్పుడు లోపలికెళ్లిన 2 టైర్లు బయటికొచ్చి చైర్ను బ్యాలెన్స్ చేస్తాయి. ఎక్కువ సేపు నడవలేకపోయే వారికి కూడా ఇది యూజ్ అవుతుందని హోండా కంపెనీ చెప్పింది. పక్కనోళ్లతో మాట్లాడాలంటే కొన్ని చైర్స్ను తిప్పాల్సి ఉంటుందని, కానీ హ్యాండ్స్ ఫ్రీ వీల్చైర్లో సెన్సార్ కారణంగా ఈజీగా తిరుగుతుందని తెలిపింది. యునీ వన్కు మినిస్ర్టీ ఆఫ్ ఎకానమీ, ట్రేడ్ అండ్ ఇండస్ట్రీ అవార్డ్స్–2022లో గుడ్ డిజైన్ గోల్డ్ అవార్డు దక్కించుకుంది. ఇప్పుడు తైవాన్లోని సుజుకా సర్క్యూట్ పార్క్లో ప్రదర్శనకు ఉంచారు. ఇది స్టేట్ ఆఫ్ ది ఆర్ట్ బ్యాలెన్స్ కంట్రోల్ టెక్నాలజీ సెన్సార్ను కలిగి ఉంది.
