హైదరాబాద్, వెలుగు: యూనివర్సిటీ అనుమతి లేకుండానే బీఈడీ అడ్మిషన్లు ఇచ్చిన ఓ కాలేజీ మేనేజ్ మెంట్.. స్టూడెంట్స్ ను రోడ్డున పడేసింది. ఏడాదిపాటు చదివి, తీరా ఎగ్జామ్స్ టైమ్ లో ఆ కాలేజీ బోగస్ అని తెలియడంతో స్టూడెంట్స్ లబోదిబో మంటున్నారు. హైదరాబాద్ సిటీలో ఈ ఘటన జరిగింది. మెహదీపట్నంలోని హిదాయ కాలేజ్ ఆఫ్ఎడ్యుకేషన్ ఈ అకడమిక్ ఇయర్ లో 67 మందికి అడ్మిషన్స్ ఇచ్చింది. ఒక్కో స్టూడెంట్ నుంచి రూ.60వేల నుంచి రూ.లక్ష వరకూ ఫీజులు వసూలు చేసింది. క్లాసులూ జరిగాయి. ఈ నెల 1 నుంచి బీఈడీ ఫస్ట్ సెమిస్టర్ ఎగ్జామ్స్మొదలయ్యాయి. అయితే స్టూడెంట్స్ కు హాల్టికెట్లు రాలేదు. వారంతా కాలేజీ మేనేజ్ మెంట్ ను నిలదీశారు. మోసపోయినట్లు తెలుసుకున్న స్టూడెంట్స్ కాలేజ్ యాజమాన్యంపై పోలీసులకు ఫిర్యాదు చేశారు. తమకు న్యాయం చేయాలని విద్యాశాఖ మంత్రి సబితా ఇంద్రారెడ్డిని కలిసి వేడుకున్నారు. గురువారం ఉన్నత విద్యామండలి చైర్మన్పాపిరెడ్డిని కలిసి న్యాయం చేయాలని విజ్ఞప్తి చేశారు. ఉస్మానియా వర్సిటీ నుంచి కాలేజీ పర్మిషన్ తీసుకోలేదని, తామేమీ చేయలేమని చెప్పడంతో స్టూడెంట్లు ఆవేదన వ్యక్తం చేశారు.
