జుట్టు పోనీ టెయిల్ వేసుకుంటే చాలామంది ‘గుర్రంతోక’ అని ఎగతాళి చేస్తారు. కానీ, ఈ గుర్రం తోక చూశారంటే ఆ మాట అనరు. నలుపు రంగులో ఉన్న ఈ తోక పొడవు దాదాపు ఆరు అడుగులు ఉంది. అందుకే దీనికి గిన్నిస్ రికార్డ్ దక్కింది.
దక్షిణ కరోలినాలోని మూడు అడుగుల ఒక అంగుళం ఉన్న ఈ గుర్రం పేరు స్వీటీ. ఇది చాలా చిన్న గుర్రం. వయసు 36 ఏండ్లు. దీని యజమాని రిసా ఫార్మిశానో. స్వీటీ తోక గిన్నిస్ రికార్డ్కు ఎక్కిందని మురిసిపోతున్నాడాయన. ఎందుకంటారా.. మరి దాని తోక అంత పొడవుగా పెరగడానికి కారణం ఆయనే. స్వీటీ తోకను జాగ్రత్తగా చూసు కునేవాడట రిసా. ఏడాదికి రెండుసార్లు దాన్ని శుభ్రం చేసి, కండిషనర్ పెట్టేవాడట.
అంతేకాదు.. ఒక గుర్రం చనిపోయిందని మిగతా రెండు గుర్రాలు బాధపడుతుంటే వాటిని అలా చూడలేక స్వీటీని ఇంటికి తెచ్చాడు. అప్పటి నుంచి దాని బాగోగులు చూసుకుంటున్నాడు. ‘2012లోనే నిల్చుంటే నేలను తాకేది స్వీటీ తోక’ అని చెప్తాడు రిసా. ఇప్పుడు అది ఏకంగా 5 అడుగుల, 11.26 అంగుళాలు ఉంది. దీంతో గుర్రాల తోక ఇంత పొడవు పెరగడం ఆశ్చర్యానికి గురిచేస్తోంది అందర్నీ. అందుకే ఈ తోకకు గిన్సిస్ రికార్డ్లో చోటు దక్కింది.
Risa Formisano,
