ఇజ్రాయెల్ లోని ప్రాచీన ఓడరేవు నగరం సీజరియాలో జరుపుతున్న పురాతత్వ తవ్వకాల్లో..900 ఏళ్ల కిందట దాచిపెట్టినవిగా భావిస్తున్న బంగారు నాణేలు బయటపడ్డాయి. ఒక గోడ పక్కన రాళ్ల మధ్య ఉన్న ఒక రాగి కుండలో ఈ బంగారు నాణేలతో పాటు ఒక బంగారు చెవి రింగు కూడా లభించింది.
ఈ నిధిని దాచిన వ్యక్తి 1101లో క్రూసేడుల సైన్యం నగరవాసులను ఊచకోత కోసినపుడు చనిపోయి ఉండవచ్చునని పురాతన తవ్వకాల శాస్త్రవేత్తలు అంటున్నారు. "ఈ నిధి యజమాని, వారి కుటుంబం ఆ ఊచకోతలో అంతమైపోవటం కానీ.. వారిని బానిసలుగా అమ్మివేయటం కానీ జరిగి ఉండొచ్చని భావించవచ్చు.
Also Read :- వేధింపులతో స్టూడెంట్ ఆత్మహత్యాయత్నం
అందువల్ల వాళ్ళు దాచుకున్న ఈ బంగారాన్ని తిరిగి తీసుకోలేక పోయి ఉంటారు" అని ఈ తవ్వకాలకు డైరెక్టర్లుగా ఉన్న డాక్టర్ పీటర్ జెండిల్మన్, మొహమ్మద్ హతార్లు విశ్లేషించారు. సీజరియా ప్రపంచ వారసత్వ సంపద ప్రాంతం సంరక్షణ ప్రాజెక్టులో భాగంగా చేపట్టిన తవ్వకాల్లో ఈ నిధి వెలుగుచూసింది. అబ్బాసిడ్, ఫాతిమిద్ కాలాలకు చెందిన నివాస ప్రాంతాలుగా వీటిని భావిస్తున్నారు.
== V6 వెలుగు లైఫ్
