హైదరాబాద్, వెలుగు: గోద్రేజ్ గ్రూప్నకు చెందిన గొద్రేజ్ అండ్ బాయ్సీ బ్రాండ్ గోద్రేజ్ లాక్స్ అండ్ ఆర్కిటెక్చరల్ ఫిట్టింగ్స్అండ్ సిస్టమ్స్ కాటస్ శ్రేణి డిజిటల్ డోర్ లాక్స్ను లాంచ్ చేసింది. -లిఫ్ట్ బెడ్ ఫిట్టింగ్స్, హికిడో వార్డ్రోబ్ ఫిట్టింగ్స్నూ పరిచేయం చేసింది. ఇవి టెక్నాలజీపరంగా అత్యున్నతంగా ఉండటం మాత్రమేగాక, నగదుకు తగ్గ విలువనూ అందిస్తాయని కంపెనీ ప్రకటించింది. లాకింగ్ సెగ్మెంట్లో మరిన్ని కొత్త ప్రొడక్టులను లాంచ్ చేస్తామని వెల్లడించింది. ఇది 2027 ఆర్థిక సంవత్సరానికి రూ.2,500 కోట్ల ఆదాయాన్ని టార్గెట్గా పెట్టుకుంది.
గోద్రేజ్ లాక్స్ ఇండియా మార్కెట్లో 200కు పైగా ప్రొడక్టులను అమ్ముతున్నది. ఈ కంపెనీ ఇప్పుడు ఆర్కిటెక్చరల్ ఫిట్టింగ్స్ అండ్ సిస్టమ్ పరిశ్రమలో రాబోయే మూడు సంవత్సరాలలో టాప్ 3 బ్రాండ్లలో ఒకటిగా నిలవడంపై ఫోకస్ చేసింది. ఆర్కిటెక్చరల్ ఫిట్టింగ్స్ విభాగం మార్కెట్విలువ రూ.20 వేల కోట్ల వరకు ఉంటుంది.
ఇండ్లకు తగిన రీతిలో అత్యాధునిక డిజైన్ సొల్యూషన్లను అందించడం ద్వారా 2023 ఆర్థిక సంవత్సరంలో ఆర్కిటెక్చరల్ ఫిట్టింగ్స్ సెగ్మెంట్ నుంచి రూ.400 కోట్లు సంపాదిస్తామని గోద్రేజ్ లాక్స్ అండ్ ఆర్కిటెక్చరల్ ఫిట్టింగ్స్, సిస్టమ్స్ బిజినెస్ హెడ్ శ్యామ్ మొత్వానీ అన్నారు.
