జపాన్ మాజీ ప్రధాని షింజో అబేపై కాల్పులు

జపాన్ మాజీ ప్రధాని షింజో అబేపై దుండగులు కాల్పులు జరిపారు. నారా నగరంలో లిబరల్ డెమొక్రటిక్ పార్టీ అభ్యర్థుల తరపున ఆయన ప్రచారం చేస్తున్నారు. అయితే వేదికపై ప్రసంగిస్తూ షింజో అబే ఒక్కసారిగా కుప్పకూలిపోయారు. ఆ సమయంలో తుపాకీ పేలిన శబ్దం వినిపించినట్లు స్థానిక మీడియా తెలిపింది. గుర్తు తెలియని వ్యక్తులు షింజోపై కాల్పులు జరిపినట్లు తెలుస్తోంది. ఈ ఘటనలో ఆయన తీవ్రంగా గాయపడ్డారు. బుల్లెట్ గాయాలతో రక్తమోడుతున్న అబేను స్థానిక ఆసుపత్రికి తరలించారు. పోలీసులు ఓ అనుమానితున్ని అదుపులోకి తీసుకున్నారు. ఆసుపత్రికి తరలిస్తుండగా షింజో అబేలో ఎలాంటి కదలికలు లేవని స్థానిక మీడియా వెల్లడించింది. అనారోగ్య కారణాలతో ప్రధానమంత్రి పదవికి అబే రాజీనామా చేశారు.

Former Japanese Prime Minister Shinzo Abe collapsed during a speech in the city of Nara, in western Japan. Initial reports say he may have been injured. An NHK reporter on site heard something that sounded like a gunshot, and saw Abe bleeding: Japan's NHK WORLD News
— ANI (@ANI) July 8, 2022