కారులో గంటకు 100 కిలోమీటర్ల స్పీడుతో వెళ్తే.. గాల్లో తేలినట్లుంటది.. మరి గాల్లోనే 100 కిలోమీటర్ల స్పీడులో వెళ్తే.. ఇగో ఈ ‘ఎయిర్కార్’ లెక్క ఉంటది. ఇటు రోడ్డుపై రయ్ అంటది.. అటు గాలిలో దూసుకెళ్తదీ ‘హైబ్రీడ్’. 10 వేల అడుగుల ఎత్తులో కూడా 160 కిలోమీటర్ల వేగంతో సాగిపోతుంది. చైనాకు చెందిన టెర్రాఫుజియా ట్రాన్సిషన్ సంస్థ తయారు చేసిన ఈ కారుకు ఫెడరల్ ఏవియేషన్ అడ్మినిస్ట్రేషన్ (ఎఫ్ఏఏ) అప్రూవల్ ఇచ్చింది. అన్నీ అనుకున్నట్లు జరిగితే 2022 నాటికల్లా ఈ ఎయిర్–రోడ్డు హైబ్రీడ్ కారు గగన వీధిలో దూసుకుపోనుంది.
నిమిషంలో టేకాఫ్.. ల్యాండింగ్..
చిన్న ఎయిర్పోర్టులు, హైవేల్లో ‘హైబ్రీడ్’ ల్యాండింగ్, టేకాఫ్కు ఒక నిమిషం టైంలోనే ఫ్లయింగ్ మోడ్ నుంచి డ్రైవింగ్ మోడ్లోకి డ్రైవర్లు మారొచ్చు. రెండు సీట్లు ఉండే హైబ్రీడ్ కారు నడపాలంటే అటు డ్రైవింగ్ లైసెన్స్, ఇటు స్పోర్ట్ పైలట్ సర్టిఫికెట్ కంపల్సరీ. ప్రస్తుతానికి పైలట్లు, ఫ్లైట్ స్కూళ్లకు ఈ ఎయిర్కారును అందుబాటులో ఉంచారు.
ఇట్లుంటది
- 100 హెచ్పీ రోట్యాక్స్ 912ఐఎస్ స్పోర్ట్ ఫ్యూయల్ ఇన్జెక్టెడ్ ఇంజిన్తో నడుస్తది.. బరువు సుమారు 600 కిలోలు
- ప్రీమియం గ్యాస్ లేదా ఎయిర్ప్లేన్ ఫ్యుయల్తో నడుస్తుంది.
- నాలుగు టైర్లకు హైడ్రాలిక్ డిస్క్ బ్రేకులు ఏర్పాటు చేశారు.
- ప్యారాచ్యూట్స్ అందుబాటులో ఉంచుతారు.
- సింగిల్ కార్ గ్యారేజ్లో ఉంచేందుకు రెక్కలను పైకి ఫోల్డ్ చేయొచ్చు.
