హైదరాబాద్, వెలుగు: సిటీ కేంద్రంగా కార్యకలాపాలు నిర్వహిస్తున్న ఐ గేర్ ఆప్టిక్స్ 2027 నాటికి 150 మిలియన్ డాలర్ల (రూ.1,230 కోట్ల) రెవెన్యూ అందుకోవాలని టార్గెట్గా పెట్టుకుంది. ప్రస్తుతం కంపెనీ టర్నోవర్ 35 మిలియన్ డాలర్లు. ఈ కంపెనీ రెండు రౌండ్లలో ఏషియన్ హెల్త్కేర్, వెంచర్ ఈస్ట్ల నుంచి 8.24 మిలియన్ డాలర్ల ఫండింగ్ను పొందింది. హై క్వాలిటీ బ్రాండెడ్ ప్రొడక్టులను రీజనబుల్ రేట్లకే తాము అందిస్తున్నట్లు ఐ గేర్ ఆప్టిక్స్ ఎండీ రాజ్ పైలా చెప్పారు.
బెన్ ఫ్రాంక్లిన్, ఐ గేర్ బ్రాండ్ పేర్లతో ఆప్టిక్స్ ప్రొడక్టులను విక్రయిస్తున్నట్లు పేర్కొన్నారు. ఇండియాలో 500 హాస్పిటల్ బేస్డ్ ఆప్టికల్ స్టోర్లను ఏర్పాటు చేసినట్లు చెప్పారు. 2,400 ఆప్టికల్ రిటెయిలర్లతో జత కట్టామని, మరో 10 వేల మంది రిటెయిలర్లతో జత కట్టే ప్రయత్నాలలో ఉన్నామని రాజ్ పైలా వివరించారు. ప్రస్తుతం ఏటా 15 లక్షల మంది సేవలను అందిస్తున్నామని అన్నారు.
