భారత దేశ రాజధానిలో కండ్లకలక కేసులు పెరుగుతున్నాయి. ముఖ్యంగా రద్దీగా ఉండే ప్రదేశాల్లో ఇన్ఫెక్షన్ వ్యాప్తి చెందకుండా అన్ని జాగ్రత్తలు తీసుకోవాలని వైద్యులు ప్రజలకు సూచిస్తున్నారు. వైద్యుల ప్రకారం ఈ సంక్రమణ "అత్యంత అంటువ్యాధి". దాని వ్యాప్తిని అరికట్టేందుకు పరిశుభ్రమైన ప్రవర్తనను నిర్వహించాల్సిన అవసరం ఉంది. ప్రభుత్వ, ప్రైవేట్ ఆసుపత్రులకు వచ్చే రోగులలో ఎక్కువగా యువ జనాభా ఉన్నట్టు వైద్యులు చెబుతున్నారు.
"ఇంట్లో ఎవరికైనా కంటి ఇన్ఫెక్షన్ ఉంటే" వారిని పాఠశాలకు పంపవద్దని ఉపాధ్యాయులు కూడా తమకు సూచించారని కొందరు తల్లిదండ్రులు చెప్పారు. ఫరీదాబాద్లోని మారెంగో ఆసియా హాస్పిటల్స్కు చెందిన సీనియర్ కన్సల్టెంట్, ఆప్తాల్మాలజీ నిఖిల్ సేథ్ మాట్లాడుతూ.. కండ్లకలక అనేది ఒక సాధారణ ఫ్లూ. వర్షాకాలంలో కంటి ఫ్లూ రావడం అత్యంత సాధారణ.
ఇది శారీరక సంపర్కం ద్వారా వ్యాపిస్తుంది. ఇది సోకిన వ్యక్తి కంటి నుంచి వచ్చే స్రావాలు.. వ్యాధి సోకని వ్యక్తికి కూడా వైరస్ ను అంటించే ప్రమాదం ఉంటుంది. "ప్రస్తుత రోజుల్లో OPD కి వచ్చే రోగులలో 20-25 శాతం పెరుగుదల నమోదవుతుంది" అని డాక్టర్లు చెబుతున్నారు. వసంత్ కుంజ్లోని ఫోర్టిస్ హాస్పిటల్లోని నేత్ర వైద్యశాస్త్ర సీనియర్ కన్సల్టెంట్ డాక్టర్ ఆర్తి నంగియా కూడా ఇటీవల ఢిల్లీలో కంటి ఇన్ఫెక్షన్లు, కండ్లకలక కేసుల సంఖ్య పెరుగుతున్నట్లు తెలిపారు.
కండ్లకలక, ఫంగల్ ఇన్ఫెక్షన్ల ద్వారా సంక్రమించే వ్యాధుల కేసులను ఎదుర్కోవటానికి ఢిల్లీ ప్రభుత్వ ఆసుపత్రులు అలర్ట్ గా ఉన్నాయని ఆరోగ్య మంత్రి సౌరభ్ భరద్వాజ్ జూలై 25 న చెప్పారు. కండ్లకలక, చర్మ అలెర్జీ కేసులు ఎక్కువగా ఢిల్లీలోని కొన్ని ప్రాంతాల్లో వరదల వల్ల ప్రభావితమైన ప్రజలను రిలీఫ్ క్యాంపుల నుంచి వస్తున్నాయని భరద్వాజ్ గతంలోనే చెప్పారు.
