వేసవి కాలంలో కళ్ల అందం, ఆరోగ్యం దెబ్బతినకుండా జాగ్రత్తగా చూసుకోవాలి. వేసవిలో కళ్లకు కూలింగ్ ఎఫెక్ట్ అవసరం. ఎండ ప్రభావానికి చర్మ రక్షణ కోసం ఫేస్ ప్యాక్లు వేసుకున్నట్టే కళ్లకు కూడా ఐ ప్యాక్స్ వేసుకోవాలి. అందుకే క్రమం తప్పకుండా చల్లని ఐ ప్యాక్స్ వేసుకుంటూ ఉండాలి. ఇందుకోసం ప్రతిరోజు పార్లర్కి వెళ్లాల్సిన అవసరం లేదు. ఇంట్లో సహజసిద్ధంగా లభించే పదార్థాలతోనే ప్యాక్స్ తయారుచేసుకుని వేసుకోవచ్చు. వాటిని ఎలా తయారు చేసుకోవాలంటే..
కీర దోసకాయ ప్యాక్: ఒక దోసకాయ తీసుకుని మిక్సీ పట్టాలి. అందులో కొన్ని నీళ్లు కలిపి జ్యూస్ లా చేయాలి. తర్వాత కాటన్ క్లాత్ తీసుకుని జ్యూస్ లో ముంచాలి. ఆ మిశ్రమం క్లాత్ కి బాగా పట్టిన తర్వాత క్లాత్ బయటకు తీసి శాండ్విచ్ బ్యాగులో పెట్టి ఫ్రిజ్లో ఉంచాలి. అవి ఐస్ గడ్డ కట్టిన తర్వాత బయటకు తీసి కళ్ల మీద పెట్టుకోవాలి. 20 నుంచి 25 నిమిషాల తర్వాత తీసేయాలి. ఇలా చేయడం వల్ల కళ్ల కింద నల్లటి చారలు పోతాయి. అలాగే దోసకాయలో నీటిశాతం, విటమిన్-కె సమృద్ధిగా ఉండటం వల్ల కళ్లకు విశ్రాంతి లభిస్తుంది.
దోసకాయ, ఆలూ: దోసకాయ, ఆలుగడ్డ రసం సమపాళ్లలో తీసుకోవాలి. శుభ్రమైన కాటన్ క్లాత్ ను అందులో ముంచి దానిని కళ్లమీద కనుబొమ్మల కింద రాయాలి. ముఖమంతా కారకుండా కళ్లకు మాత్రమే ఆ రసం అంటేలా చూసుకోవాలి.
కీరదోస, ఆలూ: కీరదోస, ఆలుగడ్డలు కూడా కళ్ల సంరక్షణకు చాలా ఉపయోగపడతాయి. ఇవి కళ్లకు చల్లదనాన్ని ఇస్తాయి. అలుగడ్డ, కీరదోస ముక్కలను గుండ్రంగా కట్ చేసి కళ్ల మీద పెట్టుకొని 10 నిమిషాల తర్వాత తీసేయాలి. లేదంటే వీటిని పేస్ట్ చేసి కళ్లకి ప్యాక్ లా వేసుకోవచ్చు. ఇలా చేయడం వల్ల కళ్లకు చల్లదనం లభిస్తుంది. త్వరగా మచ్చలు పోతాయి.
కలబంద, క్యారెట్ మాస్క్ : ఒక గిన్నెలో కోడిగుడ్డు తెల్లసొన, సన్నగా తురిమిన క్యారెట్, ఒక టేబుల్ స్పూన్ కలబంద రసం వేసి పేస్ట్ లా కలపాలి. ఆ మిశ్రమాన్ని కళ్లకింద రాసి 15 నుంచి 30 నిమిషాలు ఉంచుకుని చల్లటి నీళ్లతో కడిగేయాలి.
వేసవిలో కళ్లకు కూలింగ్ ఎఫెక్ట్ అవసరం. అందుకే క్రమం తప్పకుండా ఐ ప్యాక్స్ వేసుకుంటూ ఉండాలి. ఇందుకోసం ప్రతిరోజు పార్లర్కి వెళ్లాల్సిన అవసరం లేదు. ఇంట్లో సహజసిద్ధంగా లభించే పదార్థాలతోనే ప్యాక్స్ తయారుచేసుకుని వేసుకోవచ్చు. వాటిని ఎలా తయారు చేసుకోవాలంటే..
ఆల్మండ్ నూనె : రాత్రి నిద్రపోయే ముందు ఆల్మండ్ నూనెను కళ్లకింద వలయాలపై రాసి మృదువుగా చేతి వేళ్లతో మసాజ్ చేయాలి. ఇలా చేయడం వల్ల నల్లటి వలయాలు పోతాయి. అయితే రాసుకునేటప్పుడు కళ్లకు తగలకుండా జాగ్రత్తగా రాసుకోవాలి.
కాఫీ ఐ -మాస్క్ : ఒక కప్పు చల్లటి కాఫీ, ఒక టేబుల్ స్పూన్ తేనె, విటమిన్-ఇ ఆయిల్ ని కలపాలి. ఈ తర్వాత కాటన్ క్లాత్ తీసుకుని ఆ మిశ్రమంలో ముంచాలి. మిశ్రమం క్లాత్ కి బాగా పట్టిన తర్వాత బయటకు తీసి శాండ్ విచ్ బ్యాగులో పెట్టి ఫ్రిజ్లో ఉంచాలి. అవి ఐస్ గడ్డ కట్టిన తర్వాత బయటకు తీసి కళ్ల మీద పెట్టుకోవాలి. 20-25 నిమిషాల తర్వాత తీసేయాలి.
ఆలూ, పుదీనా: పొట్టు తీసిన ఆలుగడ్డ, పుదీనా కలిపి మిక్సీ పట్టాలి. ఈ మిశ్రమానికి కొన్ని నీళ్లు కలిపి జ్యూస్ చేయాలి. తర్వాత కాటన్ క్లాత్ తీసుకుని ఆ మిశ్రమంలో ముంచాలి. ఆ మిశ్రమం క్లాత్కి బాగా పట్టిన తర్వాత బయటకు తీసి శాండ్ విచ్ బ్యాగులో పెట్టి ఫ్రిజ్లో ఉంచాలి. అవి ఐస్ గడ్డ కట్టిన తర్వాత బయటకు తీసి కళ్ల మీద పెట్టుకోవాలి. 20-25 నిమిషాల తర్వాత తీసేయాలి.
కాఫీ పౌడర్ ప్యాక్: ఒక గిన్నెలో కోడిగుడ్డు తెల్లసొన, రెండు టేబుల్ స్పూన్ల కాఫీ పౌడర్ తీసుకోవాలి. ఆ మిశ్రమాన్ని ఒక నిమిషం పాటు బాగా కలపాలి. తర్వాత ఆ మిశ్రమాన్ని కళ్ల చుట్టూ రాయాలి. రాసేటప్పుడు ఈ మిశ్రమం కళ్లలోకి పోకుండా జాగ్రత్తపడాలి
