హైదరాబాద్, వెలుగు: జర్మనీకి చెందిన నింబస్ హెల్త్ ను కొనుగోలు చేసేందుకు డెఫినిటివ్ అగ్రిమెంట్కుదుర్చుకున్నామని హైదరాబాద్ ఫార్మా కంపెనీ డాక్టర్ రెడ్డీస్ ల్యాబ్స్ ప్రకటించింది. ఈ లైసెన్సెడ్ ఫార్మా హోల్సేలర్ గంజాయి ఆధారిత డ్రగ్స్పై ఫోకస్ చేస్తోంది. అయితే ఈ డీల్ విలువను డాక్టర్ రెడ్డీస్ బయటపెట్టలేదు. నింబస్ తమ చేతికి రావడం వల్ల గంజాయి ఆధారిత మెడిసిన్స్ను పేషెంట్లకు అందుబాటులోకి తెస్తామని కంపెనీ ప్రకటించింది. సాధారణ మందులతో నయం కాని చాలా రోగాలకు గంజాయిని ట్రీట్మెంట్గా వాడుతున్నారని, ముఖ్యంగా నొప్పులను తగ్గించడంలో ఈ రకం ట్రీట్మెంట్లు బాగా పనిచేస్తాయని డాక్టర్ రెడ్డీస్ యూరోపియన్ జెనరిక్స్ హెడ్ పాట్రిక్ అఘానియన్ చెప్పారు. ఇక నుంచి నింబస్ తమకు హోల్లీ ఓన్డ్ సబ్సిడరీగా ఉంటుందని చెప్పారు. జర్మనీలో మెడికల్ గంజాయి మార్కెట్ విలువ గత ఏడాది 122 మిలియన్ యూరోలుగా రికార్డయింది.
