పెళ్లి అంటే జీవితంలో ఒకేసారి వచ్చే మరపురాని సంబరం. అందుకే పెళ్లి అంటే బంధుమిత్రులతో పాటు పెద్దలను ఆహ్వానించి సంప్రదాయం ప్రకారం సన్నాయి మేళాలు, డీజే చప్పుళ్ల మధ్య జరుపుతుంటారు. అయితే ఈరోజుల్లో మనుషులకే పెళ్లిళ్లు అవుతుండటం కష్టంగా మారితే.. కొందరు మాత్రం కుక్కలకు కూడా వివాహం చేసేస్తూ వార్తల్లో నిలుస్తున్నారు. ఇలాంటి వీడియో సోషల్ మీడియాలో వైరల్ గా మారింది. . రెండు కుక్కల యజమానులు ఎంతో వైభవంగా బాజా భజంత్రీలు, వేద మంత్రాల నడుమ పెళ్లి జరిపించారు.
మామూలుగా మనుషులకు ఎలాగైతే పెళ్లి చేస్తారో అలాగే తమకు ఎంతో ఇష్టమైన కుక్కలకు యజమానులు అంగరంగ వైభవంగా పెళ్లి చేశారు. తమకు కావాల్సిన వాళ్లందరికీ పెళ్లి ఆహ్వానం పంపించారు. భారీగా పెళ్లి సెటప్ సిద్ధం చేశారు. పెద్దల సమక్షంలో హిందూ సంప్రదాయం ప్రకారం జైలీ, టామీలకు వివాహం చేశారు. డీజే కూడా పెట్టించడంతో వచ్చిన అతిథులు అంతా ఉత్సాహంగా పెళ్లి తంతులో పాల్గొన్నారు. డీజే పాటలకు వచ్చిన అతిథులు స్టెప్పులు కూడా వేశారు. నెటిజన్లను బాగా ఆకట్టుకుంటున్న ఈ కుక్కల పెళ్లి వీడియో నెట్టింట తెగ హల్ చల్ చేస్తోంది.
They Had An Indian Wedding For Their Dogs.
— ਹਤਿੰਦਰ ਸਿੰਘ (@Hatindersinghr3) March 8, 2023
????
Deo Aapne Vichaar... pic.twitter.com/BsxMpi1nmE
వీడియోలో భారతీయ సంప్రదాయం ప్రకారం విలాసవంతమైన పెళ్లి వేదిక, రకరకాల వంటలతో విందు, ఆకట్టుకునే అలంకరణలతో వివాహం జరిగినట్లు తెలుస్తోంది. అతిథులు సంప్రదాయ దుస్తులలో నృత్యం చేస్తున్నారు. పెండ్లికుమార్తెలా రెడీ చేసిన ఆడ కుక్కపై ఎర్రటి దుపట్టా కప్పబడి ఉంటుంది. అలాగే ఓ మగ కుక్క ఎలక్ట్రిక్ బొమ్మ కారులో పెళ్లి మండపంలోకి ప్రవేశిస్తోంది. ఈ వీడియోను @Hatindersinghr3 అనే వినియోగదారు ట్విట్టర్‌లో భాగస్వామ్యం చేసారు. మార్చి 8న షేర్ చేసిన .. ఇప్పుడు వైరల్ కాగా... ఈ వీడియోకు 17,000 మందికి పైగా వీక్షణలు వచ్చాయి. రకరకాల కామెంట్స్ చేస్తూ నెటిజన్లు సందడి చేస్తున్నారు.
ఆ ఫన్నీ వీడియో (Funny Video) సోషల్ మీడియాలో వైరల్ అవుతోంది. ఆ వీడియోపై నెటిజన్లు తమదైన శైలిలో స్పందిస్తున్నారు. కుక్కలు కూడా గొడవలు లేకుండా సంసారం నడపలేవని ఒకరు కామెంట్ చేయగా మరొకరు , పెళ్లి తర్వాత ఎవరి జీవితమైనా ఇంతేఅంటూ కామెంట్లు చేస్తున్నారు. ఇంకొకరు.. పెళ్లి అయితే ఘనంగా చేశారు.. ఇక వాటి సంసారం ఎలా ఉంటుందో అంటూ పోస్ట్ లు పెడుతున్నారు. చాలా మంది ఫన్నీ ఎమోజీలను జత చేస్తున్నారు.
కుక్కలను కొంతమంది సొంత కుటుంబ సభ్యుల్లా ప్రేమగా చూసుకుంటారు. వాటికీ పుట్టిన రోజు, పెళ్లి, సీమంతం వేడుకలను కూడా జరుపుతూ వార్తల్లో నిలుస్తున్నారు. తాజాగా వైభవంగా జరిగిన కుక్కల పెళ్లి వీడియో నెట్టింట్లో ఓ రేంజ్ లో చక్కర్లు కొడుతోంది. అంగరంగ వైభవంగా సాగుతున్న వివాహ వేడుకలో రంగురంగుల దుస్తులు ధరించి వేడుకల్లో పాల్గొన్న అతిథులు బంతిపూలు పట్టుకుని నిల్చుకుని ఉన్నారు. వాద్యాల నడుమ కుక్కల పెళ్లి ఇంత వైభవంగా జరిగింది. అవును.. రెండు కుక్కల యజమానులు తమ కుక్కలకు ఘనంగా పెళ్లి జరిపించిన వీడియో ఇప్పుడు సోషల్ మీడియాలో వైరల్ అవుతోంది. మీరు చాలా వివాహ వేడుకలకు హాజరై ఉంటారు. అయితే ఇంత గొప్ప వేడుకను, ముఖ్యంగా కుక్కల పెళ్లిని మీరు ఎప్పుడూ చూసి ఉండరు. ఇటీవల, మీరు సోషల్ మీడియాలో కుక్కల పెళ్లి గురించి చాలా వార్తలు చూశారు. అయితే ఈ వీడియో చాలా డిఫరెంట్‌గా, ప్రత్యేకంగా ఉంది కదా...
