సూపర్‌ఫ్రూట్ కోకుమ్‌.. మండు వేసవిలో ఆరోగ్యాన్నిచ్చే పండు

ఈ వేసవిలో రోజురోజుకూ పెరుగుతున్న ఉష్ణోగ్రతల నేపథ్యంలో.. చాలా మంది చల్లని లేదా శరీరంలో వేడిని తగ్గించే పండ్లు, పానీయాలను తీసుకోవాలని భావిస్తారు. అందులో భాగంగా లేటెస్ట్ గా తెరపైకి వచ్చిందే సూపర్‌ఫ్రూట్ కోకుమ్‌. ఇది గొప్ప యాంటీఆక్సిడెంట్ గా.. ముఖ్యంగా ఈ మండు వేసవిలో ఆరోగ్యాన్నిచ్చే పానీయంగా ప్రసిద్ధి చెందింది. దీన్ని గార్సినియా ఇండికా అని కూడా అంటారు. కోకమ్‌లో పుష్కలంగా పోషకాలు ఉండడంతో పాటు విటమిన్ ఎ, బి3, సి, ఫోలిక్ యాసిడ్, కాల్షియం, ఐరన్, పొటాషియం, మెగ్నీషియం, మాంగనీస్, జింక్ కూడా ఉన్నాయి. వీటితో పాటు అదనంగా ఎసిటిక్ యాసిడ్ హైడ్రాక్సీ సిట్రిక్ యాసిడ్ కూడా ఉన్నాయి.

కోకుమ్ ఆరోగ్య ప్రయోజనాలు

1. రోగనిరోధక శక్తికి బూస్టర్ గా...

ఈ పండులోని అనేక భాగాల్లో యాంటీ బాక్టీరియల్, యాంటీ-వైరల్ లక్షణాలు ఉంటాయి. దీన్ని అనేక బ్యాక్టీరియా, వైరల్ ఇన్ఫెక్షన్‌లను నిర్వహించడంలో కీలక పాత్ర పోషిస్తుంది. గార్సినియా ఇండికా సహాయంతో పేగు అలెర్జీలను తగ్గించవచ్చని అధ్యయనాలు కూడా నిరూపించాయి.

2. జీర్ణక్రియలో సహాయకారిగా..

తీపి, చిక్కదనంతో పాటు అత్యంత రిఫ్రెష్ కోకుమ్ షర్బత్ పేగు ఆరోగ్యాన్ని మెరుగుపరచడంలో ముఖ్యమైన పాత్ర పోషిస్తుంది. అసిడిటీ, అజీర్ణంతో బాధపడుతున్న రోగులు ఈ పానీయం తాగడం వల్ల ఎంతో ప్రయోజనం పొందుతారు.

3. శరీరానికి సహజ శీతలకరణిగా..

కోకమ్ పండు సహజ శీతలకరణిగా వ్యవహరిస్తుంది. ఒక గ్లాసు కోకుమ్ రసాన్ని తీసుకుంటే ఈ వేసవిలో మండే వేడి నుంచి అపారమైన ఉపశమనం లభిస్తుంది. అంతే కాకుండా దీన్ని తీసుకుంటే రిఫ్రెష్మెంట్ అయ్యి శక్తి కూడా వస్తుంది. డీహైడ్రేషన్‌ను కూడా నివారిస్తుంది.

4. ఆరోగ్యకరమైన గుండెకు..

కోకమ్‌లో క్యాలరీలు తక్కువగా ఉన్నా పీచుపదార్థాలు పుష్కలంగా ఉంటాయి. ఇది సున్నా కొలెస్ట్రాల్ కలిగి ఉంటుంది. శక్తివంతమైన యాంటీఆక్సిడెంట్. మెగ్నీషియం, పొటాషియం, మాంగనీస్ వంటి ఖనిజాలు ఉండటం వల్ల ఇది రక్తపోటును అదుపులో ఉంచుతుంది. ఈ కారకాలన్నీ మన హృదయాలను రక్షిస్తాయి.

5. చర్మ సంరక్షణకు..

కోకమ్ అత్యంత ప్రభావవంతమైన యాంటీఆక్సిడెంట్ అయినందున, ఇది గాయాలను నయం చేయడంలో ముఖ్య పాత్ర పోషిస్తుంది. చర్మం, దాని కణజాల నష్టాన్ని ఎదుర్కోవటానికి కూడా ఇది సహాయపడుతుంది.

6. మధుమేహం నిర్వహణలో..

కోకమ్‌లో అద్భుతమైన యాంటీ డయాబెటిక్ సామర్థ్యం ఉంది. ఇది శక్తివంతమైన యాంటీఆక్సిడెంట్ కూడా. కాబట్టి ఇది మన శరీరంలో ఇన్సులిన్ స్రావాన్ని పెంచుతుంది. తద్వారా రక్తంలో గ్లూకోజ్ స్థాయిలు పెరగకుండా చేస్తుంది. డయాబెటిస్ మెల్లిటస్ నిర్వహణలోనూ కోకుమ్ ఉపయోగపడుతుంది.