అన్నం తిన్న వెంటనే కొన్ని పనులు చేయొద్దని డాక్టర్లు చెబుతారు. ముఖ్యంగా స్మోకింగ్, స్నానం చేయడం, కూల్ డ్రింక్స్ తాగడం ఇలాంటివి అసలు చేయొద్దంట. అయితే, ఈ పనులు చేయడం వల్ల ఏం జరుగుతుందో చాలా మందికి తెలియదు. అన్నం తిన్న వెంటనే చాలామంది స్నానం చేస్తుంటారు. ఇలా చేయడం వల్ల తిన్న ఆహారం జీర్ణంకాకపోవడం, అలసటగా అనిపిస్తుందని పరిశోధనలు చెబుతున్నాయి.
ఎందుకంటే స్నానం చేయడం వల్ల శరీరంలోని రక్త సరఫరాలో మార్పులు వస్తాయి. దీంతో జీర్ణశక్తి తగ్గుతుందని చెబుతున్నారు శాస్త్రవేత్తలు. పొగ తాగడమే చాలా ప్రమాదకరం. ఇక అన్నం తిన్నాక స్మోకింగ్ చేస్తే ఆ ప్రభావం పదింతలు ఎక్కువగా ఉంటుందట. అంతేకాదు తిన్న వెంటనే ఏ పండు తీసుకోవడం కూడా మంచిది కాదని డాక్టర్లు సూచిస్తున్నారు. పండ్లు తినడం వల్ల అసిడిటీ సమస్య తలెత్తే ప్రమాదం ఉందంటున్నారు.
