పంజాగుట్ట, వెలుగు : నిమ్స్లోని అన్ని విభాగాల సెక్యూరిటీ అధికారులతో డిప్యూటీ మెడికల్ సూపరింటెండెంట్ ఎన్. లక్ష్మీభాస్కర్ ఆదివారం సమావేశమయ్యారు. రోగులు, సందర్శకుల పట్ల సెక్యూరిటీ సిబ్బంది మర్యాదపూర్వకంగా వ్యవహరించాలన్నారు. నిమ్స్లో సమాచార సేకరణ కోసం వచ్చే జర్నలిస్టుల కోసం ప్రత్యేకంగా మీడియా పాయింట్ను ఏర్పాటు చేశామన్నారు. సెక్యూరిటీ సిబ్బందికి మీడియా నిర్వహణపై పలు సూచనలు చేశారు.
ఆయా సంస్థల ప్రతినిధుల ఐడీ కార్డులు చెక్ చేసి అనుమతి ఇవ్వాలని సూచించారు. క్రమశిక్షణ తప్పితే చర్యలు తీసుకోవడంలో వెనుకాడబోమని హెచ్చరించారు. సమావేశంలో అసిస్టెంట్ మెడికల్ సూపరింటెండెంట్స్ డాక్టర్ రాకేశ్ నరిమేటి, డాక్టర్ చరణ్ రాజ్మేడే పాల్గొన్నారు.
