బెల్లంపల్లి, వెలుగు: బెల్లంపల్లి మండలం లోని కన్నాల గ్రామపంచాయతీ సర్వే నెంబర్ 112లో సుమారు రెండెకరాల ప్రభుత్వ భూమిని ఆక్రమించి బీఆర్ఎస్ నేత సిల్వేరు నర్సింగం నిర్మించిన ప్రహరీని రెవెన్యూ అధికారులు మంగళవారం కూల్చివేశారు.
తహసీల్దార్ జ్యోత్స్న ఆధ్వర్యంలో రెవెన్యూ ఇన్స్పెక్టర్ ఆదిలక్ష్మి, సిబ్బంది సూరం ప్రసాద్ ఆక్రమిత భూమి చుట్టూ నిర్మించిన ప్రహరీని పరిశీలించి కూల్చివేశారు. ప్రభుత్వ భూమిలో అక్రమ నిర్మాణాలు చేపడితే చట్టపరమైన చర్యలు తీసుకుంటామని హెచ్చరించారు.
