ఫ్యూచర్–రిలయన్స్ కేసులో తీర్పు
న్యూఢిల్లీ : అమెజాన్ కేసులో ఫ్యూచర్ గ్రూప్కు అనుకూలంగా స్టే ఉత్తర్వులు ఇవ్వడానికి ఢిల్లీ హైకోర్టు సోమవారం నిరాకరించింది. తనపై స్టాట్యుటరీ అథారిటీస్ వద్ద భవిష్యత్లో కంప్లెయింట్స్ ఇవ్వకుండా అమెజాన్ను ఆపమని కోరుతూ ఫ్యూచర్ రిటెయిల్ ఢిల్లీ హైకోర్టును ఆశ్రయించింది. రిలయన్స్ డీల్కు అడ్డంకులు లేకుండా చూసుకోవాలనే ఉద్దేశంతోనే ఫ్యూచర్ గ్రూప్ ఈ కేసును వేసింది.
అయితే స్టాట్యుటరీ అథారిటీస్ నిబంధనలకు అనుగుణంగా తమ నిర్ణయం తాము తీసుకోవచ్చని కోర్టు తెలిపింది. రిలయన్స్ రిటెయిల్తో ఫ్యూచర్ రిటెయిల్ ట్రాన్సాక్షన్ చెల్లుతుందని ఢిల్లీ హైకోర్టు స్పష్టం చేసింది. రిలయన్స్ రిటెయిల్తో డీల్ ఖరారు చేసుకోవడానికి వీలు లేదంటూ సింగపూర్ ఇంటర్నేషనల్ ఆర్బిట్రేషన్ సెంటర్ (సియాక్) ఆదేశించడంతో ఫ్యూచర్ రిటెయిల్ లిమిటెడ్ ఢిల్లీ హైకోర్టులో ఈ కేసు వేసింది. ఎమర్జన్సీ ఆర్బిట్రేటర్ ఇచ్చిన అవార్డు చెల్లుతుందని కూడా ఢిల్లీ హైకోర్టు ఈ సందర్భంగా స్పష్టం చేసింది.
