పాపన్నపేట, వెలుగు: ఇందిరమ్మ ఇండ్ల సర్వే పారదర్శకంగా నిర్వహించాలని కలెక్టర్రాహుల్రాజ్ అన్నారు. గురువారం పాపన్నపేట మండలం యూసుపేటలో సర్వే తీరును పరిశీలించారు. ఈ సందర్భంగా కలెక్టర్మాట్లాడుతూ..యాప్ లో ఏవైనా సమస్యలు ఏర్పడితే సంబంధిత డిస్ట్రిక్ మేనేజర్ ను సంప్రదించి నివృత్తి చేసుకొవాలని సిబ్బందికి సూచించారు. సర్వేయర్లకు ప్రజలు సంబంధిత పత్రాలు అందించి సహకరించాలన్నారు.
క్షేత్రస్థాయిలో అసలైన లబ్ధిదారులను గుర్తిస్తున్నామన్నారు. అనంతరం పోడ్చన్పల్లి పీహెచ్సీని తనిఖీ చేశారు. సిబ్బంది అటెండెన్స్ , రోగుల ఓపీ, మందుల స్టాక్ రిజిస్టర్లను పరిశీలించారు. గైర్హాజరైన ఉద్యోగుల గురించి జిల్లా వైద్య ఆరోగ్యశాఖ అధికారికి ఫోన్ చేసి ఆరా తీశారు. నివేదికల సమర్పించాలని సూచించారు. ఆయన వెంట తహసీల్దార్సతీశ్, ఆర్ఐ నాగరాజు, ఎంపీవో, సంబంధిత అధికారులు పాల్గొన్నారు
14న కాస్మొటిక్ ఛార్జీల పెంపు కార్యక్రమం
మెదక్టౌన్: ఈ నెల 14న జిల్లాలోని హాస్టళ్లు, స్కూళ్లలో డైట్, కాస్మోటిక్స్ ఛార్జీల పెంపు కార్యక్రమాన్ని ఘనంగా నిర్వహించాలని కలెక్టర్ రాహుల్రాజ్సూచించారు. కలెక్టర్ ఆఫీసులో అడిషనల్ కలెక్టర్నగేశ్, డీఈవో రాధాకిషన్తో కలిసి అధికారులతో సమావేశాన్ని నిర్వహించారు. ఈ సందర్భంగా కలెక్టర్ మాట్లాడుతూ.. కార్యక్రమంలో భాగంగా జిల్లాకు చెందిన మంత్రులు, ఎమ్మెల్యేలు, ఎంపీలు, ఎమ్మెల్సీలు, సంక్షేమ వసతి గృహాలు, స్టూడెంట్స్, వారితల్లిదండ్రులతో కలిసి భోజనం చేస్తారన్నారు.
జిల్లాలోని అన్ని రెసిడెన్షియల్ స్కూళ్లు, హాస్టళ్లలో కంప్లయింట్ బాక్స్లను ఏర్పాటు చేయాలన్నారు. సమావేశంలో ట్రైబల్వెల్ఫేర్డీడీ నీలిమ, బీసీ సంక్షేమాధికారి జగదీశ్, మైనార్టీ సంక్షేమ అధికారి జెమ్లానాయక్, ఎస్సీ సంక్షేమ అధికారి శశికళ, బీసీ సంక్షేమ, మైనారిటీ స్కూళ్ల ప్రిన్సిపాల్స్, వసతి గృహాల వార్డెన్లు, ఎంఈవోలు, హెడ్మాస్టర్లు పాల్గొన్నారు.
