ఇండియన్ ఆర్మీ, కంబోడియన్ ఆర్మీ మధ్య జాయింట్ టేబుల్ టాప్ ఎక్సర్సైజ్, సిన్ బాక్స్ ఒకటో ఎడిషన్ పుణెలోని ఫారిన్ ట్రైనింగ్ నోడ్లో 2024, డిసెంబర్ 1 నుంచి 8 వరకు నిర్వహిస్తున్నారు. ఈ విన్యాసాల్లో కంబోడియన్ ఆర్మీ, ఇండియన్ ఆర్మీ నుంచి 20 మంది చొప్పున సైనికులు పాల్గొంటున్నారు. ఈ విన్యాసాలు ఐక్యరాజ్యసమితి చార్టర్లోని చాప్టర్ 6 అనుగుణంగానే తీవ్రవాద వ్యతిరేక కార్యకలాపాలకు సంబంధించి యుద్ధ విన్యాసాల నిర్వహణకు ఉద్దేశించింది. కౌంటర్ టెర్రరిజం ఉన్న ప్రదేశాల్లో శాంతిని నెలకొల్పేందుకు ఇంటెలిజెన్స్, నిఘా కోసం జాయింట్ ట్రైనింగ్ టాస్క్ఫోర్స్ ఏర్పాటుకు సంబంధించిన చర్చలపై ఈ విన్యాసాల్లో దృష్టిసారించారు.
- ఇరుదేశాల మధ్య విశ్వసనీయత, స్నేహాన్ని పెంపొందించడం, ఇరు దేశాల దళాల మధ్య రక్షణ సంబంధాలను బలోపేతం చేయడం.
- శాంతి పరిరక్షణ కార్యకలాపాలను చేపట్టేటప్పుడు ఇరు సైన్యాల ఉమ్మడి కార్యాచరణ సామర్థ్యాన్ని పెంపొందించడం.
- ఈ విన్యాసాలు మూడు దశల్లో జరుగుతాయి.
- దశ–1 ఐక్యరాజ్యసమితి శాంతి పరిరక్షణ కమిషన్లో భాగంగా తీవ్రవాద వ్యతిరేక కార్యకలాపాల కోసం సన్నాహాలు జరుగుతాయి.
- దశ–2 ఇరుదేశాలకు చెందిన ఆర్మీ అధికారులు సమావేశంలో రక్షణపరమైన, భద్రతపరమైన అంశాల గురించి చర్చిస్తారు.
- దశ–3 విన్యాసాల తుది దశలో భాగంగా ఇరుదేశాలు కౌంటర్ టెర్రరిజాన్ని ఎదుర్కొనేందుకు సన్నద్ధత కావడానికి విన్యాసాలు జరుగుతాయి.
అగ్ని వారియర్ 2024
భారతదేశం, సింగపూర్ల మధ్య అగ్ని వారియర్ 2024 పేరిట ద్వైపాక్షిక సైనిక విన్యాసాలు మహారాష్ట్రలోని దేవ్లాలీ ఫీల్డ్ ఫైరింగ్ రేంజ్లో నవంబర్ 28 నుంచి నవంబర్ 30 వరకు జరిగాయి. ఇరు దేశాల సాయుధ దళాల మధ్య రక్షణ సహకారం పెంపొందించడం.
