చేవెళ్ల: రిసార్టుల్లో న్యూఇయర్వేడుకలు నిర్వహిస్తే పర్మిషన్లు తీసుకోవాల్సిందేనని సైబరాబాద్పోలీసులు ప్రకటించారు. గతంలో రిసార్టులతో పాటు ఫామ్ హౌస్లో పర్మిషన్లు లేకుండానే ఈవెంట్లు నిర్వహించేవారు. అసాంఘిక కార్యకలాపాలకు అడ్డాలుగా మారే అవకాశం ఉండడంతో ఈ ఏడాది కఠిన నిబంధనలు అమలు చేయాలని నిర్ణయించారు. చేవెళ్ల, మొయినాబాద్, షాబాద్, శంకర్పల్లితో పాటు ఇతర ఏరియాల్లోని రిసార్టుల నిర్వాహకులు తప్పనిసరిగా అనుమతి తీసుకోవాలని రూల్పెట్టారు.
మొయినాబాద్ పరిధిలోని మృగవని, హైదరాబాద్ పోలో హార్స్ రైడింగ్, బాకారం రెవెన్యూలోని డ్రీమ్ వాల్యూ రిసార్టులు అనుమతులు తీసుకున్నాయని చేవెళ్ల ఏసీపీ కిషన్ తెలిపారు. టౌన్, రూరల్ప్రాంతాల్లో కూడా డ్రంకన్డ్రైవ్చేస్తామన్నారు. పబ్లిక్ప్లేసుల్లో వేడుకలు నిర్వహించినా, మద్యం సేవించినా, రోడ్లను బ్లాక్చేసి వేడుకలు చేసుకున్నా, ప్రభుత్వ స్థలాల్లో మద్యం సేవిస్తే కేసులు పెడుతామన్నారు. పటాకులు, డీజేలపై నిషేధం ఉందన్నారు.
