జమ్మూ కశ్మీర్ : ప్రపంచంలోనే అత్యంత ఎత్తైన రైల్వే బ్రిడ్జిని జమ్మూ కశ్మీర్లోని చినాబ్ నదిపై నిర్మిస్తున్నారు. ఈఫిల్ టవర్ కన్నా ఎత్తులో.. భారత ఇంజనీరింగ్ గొప్పదనాన్ని తెలియజేసేలా ఈ బ్రిడ్జి నిర్మాణం జరిగిందని, భారత రైల్వే నిర్మాణంలో ఈ బ్రిడ్జి ఓ మైలు రాయి కాబోతుందని కేంద్రమంత్రి పీయూశ్ గోయల్ ట్విటర్ వేదికగా చెప్పారు.
కశ్మీర్ ప్రాంతానికి రైల్వే లైన్ అందుబాటులోకి తీసుకురావాలనే ఉద్దేశంతో ఈ రైల్వే మార్గం వేస్తున్నారు. 476 మీటర్ల పొడవైన ఈ వంతెనను ఉక్కుతో నిర్మిస్తున్నారు. మొత్తం బ్రిడ్జి పొడవు 1,315 మీటర్లు కాగా.. దీనికయ్యే వ్యయం రూ.1,250 కోట్లు. ఉద్దంపూర్-శ్రీనగర్- బరాముల్లా రైల్వే మార్గం (111 కిలోమీటర్లు)లో నిర్మితమవుతున్న ఈ వంతెన మార్చి కల్లా ప్రారంభానికి సిద్ధం కానుంది. జమ్మూ కశ్మీర్లోని బక్కల్, కౌరి మధ్య చీనాబ్ నదిపై సంధానంగా ఉంటుంది. ఈ వంతెనను జమ్మూ కశ్మీర్లోని యుఎస్బిఆర్ఎల్ ప్రాజెక్ట్ కత్రా-లావోలి విభాగం నిర్మిస్తోంది.
Infrastructural Marvel in Making: Indian Railways is well on track to achieve another engineering milestone with the steel arch of Chenab bridge reaching at closure position.
It is all set to be the world's highest Railway bridge ? pic.twitter.com/yWS2v6exiP
— Piyush Goyal (@PiyushGoyal) February 25, 2021
