- బీఆర్ఎస్ నేతల రాస్తారోకో అరెస్ట్ చేసిన పోలీసులు
పెబ్బేరు, వెలుగు: రోడ్ల పరిస్థితి అధ్వానంగా మారినా ఎందుకు రిపేర్లు చేస్తలేరని, ఇండ్లు కూలగొట్టుకున్న బాధితులకు నష్టపరిహారం ఎప్పుడిస్తారని పెబ్బేరు మున్సిపల్పాలకవర్గం, బీఆర్ఎస్ నాయకులు డిమాండ్ చేశారు. గురువారం ఉమ్మడి పెబ్బేరు మండల బీఆర్ఎస్నేతలు పెబ్బేరు సుభాష్చౌరస్తాలో బైఠాయించి ధర్నా చేశారు. పెబ్బేరు–వనపర్తి రోడ్డు నిర్మాణానికి నిధులున్నా ప్రభుత్వం ఎందుకు జాప్యం చేస్తోందని ప్రశ్నించారు.
సుభాష్చౌక్నుంచి అంబేడ్కర్కాలనీ వరకు రోడ్డు, డ్రైనేజీ నిర్మాణం, కరెంట్ఫోల్స్షిఫ్టింగ్ కోసం నిధులు అందుబాటులో ఉన్నాయని, వాటి ఆమోదానికి పాలకవర్గం తీర్మానాలు కూడా చేసిందని అన్నారు. పలుమార్లు మంత్రి జూపల్లి కృష్ణారావుకు, రాష్ట్ర ప్రణాళిక సంఘం ఉపాధ్యక్షుడు చిన్నారెడ్డికి, కలెక్టర్కు, ఎమ్మెల్యే మేఘారెడ్డికి వినతులు ఇచ్చినా పట్టించుకోలేదన్నారు. గెలిచిన వెంటనే రోడ్లు నిర్మిస్తామని మాటిచ్చిన ఎమ్మెల్యే మేఘారెడ్డి ఎందుకు స్పందించడం లేదని ఫైర్అయ్యారు. ఇప్పటికైనా రోడ్డు విస్తరణ పనులు ప్రారంభించాలని డిమాండ్చేశారు.
పోలీసుల అరెస్ట్
ధర్నా కారణంగా ట్రాఫిక్ జామ్ కావడంతో ఎస్సై హరిప్రసాద్రెడ్డి, పోలీసులు అక్కడికి చేరుకొని నాయకులను అరెస్టు చేసి స్టేషన్ కు తరలించారు. వారిపై కేసు నమోదు చేశారు. మున్సిపల్ఛైర్పర్సన్కరుణశ్రీ, వైస్చైర్మన్కర్రెస్వామి, కౌన్సిలర్లు పార్వతి, సుమతి, చిన్న ఎల్లారెడ్డి, గోపిబాబు, రామకృష్ణ, నేతలు దిలీప్రెడ్డి, వనం రాములు, సాయినాథ్, వెంకటేశ్ తదితరులున్నారు.
