మెదక్టౌన్, వెలుగు: తల్లిపాలు బిడ్డకు అమృతంలాంటివని జిల్లా మహిళా, శిశు సంక్షేమాధికారి బ్రహ్మాజీ అన్నారు. శనివారం మెదక్ పట్టణంలోని పిట్లంబేస్లో తల్లిపాల వారోత్సవాల్లో భాగంగా ఏర్పాటు చేసిన కార్యక్రమానికి ఆమె ముఖ్య హాజరై మాట్లాడారు. బిడ్డ పుట్టిన వెంటనే ముర్రుపాలు పట్టించాలని సూచించారు. ప్రభుత్వం అంగన్వాడీ కేంద్రాల్లో అందించే ప్రీ స్కూల్బోధనను వినియోగించుకోవాలన్నారు. గర్భిణులు, బాలింతలు, కౌమారదశలోని బాలికలు తీసుకోవాల్సిన జాగ్రత్తల గురించి వివరించారు. చిన్నారులకు అన్నప్రాసన, గర్భిణులకు సీమంతాలు నిర్వహించారు. కార్యక్రమంలో సీడీపీవో నీలిమ, సూపర్వైజర్జయంతి, కౌన్సిలర్గాయత్రి, టీచర్లు రేణుక, స్మరణ, మహిళా శక్తి కేంద్రం బాధ్యులు సంతోషిణి, సఖి సెంటర్ బాధ్యులు రేణుక, ఆశా వర్కర్ మంజుల, తదితరులు పాల్గొన్నారు.
సిద్దిపేట రూరల్: తల్లి పాల వారోత్సవాలను పురస్కరించుకొని సురభి మెడికల్ కాలేజ్ ఆధ్వర్యంలో సిద్దిపేటలో ర్యాలీ నిర్వహించారు. కార్యక్రమానికి సీఐలు దుర్గ, లక్ష్మీబాయి హాజరయ్యారు. ఈ సందర్భంగా వారు మాట్లాడుతూ బిడ్డను కనిపెంచడం లో తల్లి పాత్ర చాలా కీలకమైనదన్నారు. అలాగే పుట్టిన వెంటనే బిడ్డకు పాలు ఇవ్వడం చాలా అవసరమన్నారు. కార్యక్రమంలో ప్రిన్సిపాల్ సుబ్బతాయి, మెడిసిన్ డిపార్ట్మెంట్హెచ్ వోడీ సాయి, సీఈవో ప్రవీణ్ కుమార్, సీఏవో రామకృష్ణ, ఏవో అమృత్ పాల్ సింగ్, పీఆర్ వో పర్శరాములు, రాజేశ్ తదితరులు
పాల్గొన్నారు.
