చౌటుప్పల్ వెలుగు : మోదీ అంటేనే దేశం, ధర్మం, డెవలప్మెంట్ (త్రీడీ) అని బీజేపీ భువనగిరి పార్లమెంట్అభ్యర్థి బూర నర్సయ్యగౌడ్ తెలిపారు. ఆదివారం చౌటుప్పల్ మున్సిపాలిటీ కేంద్రంలో ఎన్నికల ప్రచారంలో భాగంగా కార్నర్ మీటింగ్లో ఆయన పాల్గొని మాట్లాడారు. డిజిటల్ ఇండియా, మేకిన్ ఇండియా ద్వారా దేశం శరవేగంగా అభివృద్ధి చెందిందన్నారు. తాను ఎంపీగా ఉన్న సమయంలో భువనగిరి పార్లమెంట్కు రూ.9 వేల కోట్ల నిధులు తీసుకొచ్చానని చెప్పారు. తనను మరోసారి ఎంపీగా గెలిపించాలని కోరారు. బీజేపీ రాష్ట్ర నాయకుడు వీరారెడ్డి, జిల్లా ఉపాధ్యక్షుడు రమణగోని శంకర్, మున్సిపాలిటీ అధ్యక్షుడు కంచర్ల గోవర్ధన్ రెడ్డి పాల్గొన్నారు.
