నిర్మల్, వెలుగు: నిర్మల్ పట్టణంలో దారుణం చోటు చేసుకుంది. అప్పుడే పుట్టిన పసికందును గుర్తు తెలియని వ్యక్తులు చెత్త వాహనంలో పడేశారు. మున్సిపల్ కార్మికులు ఎప్పటి లాగే చెత్తను డంపింగ్ యార్డ్కు తరలిస్తుండగా, మార్గమధ్యలో ఓ కవర్ కింద పడింది. గమనించిన కార్మికులు కవర్ తీసి చూసే సరికి ఆడ శిశువు డెడ్బాడీ కనిపించింది. దీంతో వెంటనే పోలీసులకు సమాచారం అందించారు. అక్కడికి చేరుకున్న పోలీసులు కేసు నమోదు చేసి దర్యాప్తు చేస్తున్నారు. పసికందుకు సంబంధించిన పూర్తి వివరాలు తెలియాల్సి ఉంది.
