ఆంధ్రప్రదేశ్ రాష్ట్ర రోడ్డు రవాణా సంస్థ (ఏపీఎస్‌ఆర్‌టీసీ) ఇటీవల ప్రజల సౌకర్యార్థం డోర్ డెలివరీ సేవలను ప్రారంభించింది. APSRTC అసిస్టెంట్ మేనేజర్ (గూడ్స్ ట్రాన్స్‌పోర్ట్) షేక్ అజ్మల్ చేసిన ప్రకటన ప్రకారం, పార్శిల్‌ను బుక్ చేసిన తర్వాత ఆంధ్రప్రదేశ్‌లోని 84 ప్రధాన నగరాలు, పట్టణాల నుంచి 10 కిలోమీటర్ల పరిధిలో డోర్ డెలివరీ సేవ అందుబాటులో ఉంది.
హైదరాబాద్ నుంచి డెలివరీలతో సహా ఆంధ్రప్రదేశ్‌లోని 84 నగరాల్లో ఈ డోర్ డెలివరీ సర్వీస్ అందుబాటులో ఉంది. అయితే, డోర్ డెలివరీ బుకింగ్ ప్రయోజనాల కోసం మాత్రమే ప్రస్తుతం అందుబాటులోకి వచ్చింది. నగరంలో మొత్తం 64 బుకింగ్ ఏజెన్సీలు ఉన్నాయని మేనేజర్ తెలిపారు.
డోర్ డెలివరీ కోసం ఛార్జీల విషయానికొస్తే.. ఒక్క పార్శిల్‌కు రూ. 15, 6కిలోల పార్శిల్ కు రూ. 30, 10కిలోలకు రూ. 36, 25కిలోలకు రూ.48, 25నుంచి 50కిలోల వరకు రూ.59గా వసూలు చేయనున్నారు. మరిన్ని వివరాల కోసం, 993081100 ఫోన్ నంబర్‌ను సంప్రదించవచ్చు. ఆంధ్రప్రదేశ్‌లోని ప్రజలు ఎలాంటి అవాంతరాలు లేకుండా పార్శిల్ డెలివరీలను అందుకోవడమే APSRTC తీసుకొచ్చిన ఈ సర్వీస్ ప్రధాన లక్ష్యం.
