పంజాగుట్ట, వెలుగు: సంధ్య థియేటర్ వద్ద జరిగిన తొక్కిసలాటలో మృతి చెందిన రేవతి కుటుంబానికి సినీ హీరో అల్లు అర్జున్రూ.20 కోట్లు నష్టపరిహారంగా ఇవ్వాలని కాంగ్రెస్ నాయకుడు, ప్రజాసంఘాల జేఏసీ చైర్మన్ గజ్జెల కాంతం డిమాండ్ చేశారు. సోమవారం ఆయన సోమాజిగూడ ప్రెస్క్లబ్లో మీడియాతో మాట్లాడారు. రేవతి మృతికి బాధ్యుడైన అల్లు అర్జున్కు గతంలో కేంద్రం ఇచ్చిన నేషనల్అవార్డును రద్దు చేయాలని డిమాండ్చేశారు. ఈ విషయమై ఢిల్లీ వెళ్లి ఫిర్యాదు చేస్తామన్నారు.
ఒకరు చనిపోయి, ఇంకొకరు మృత్యువుతో పోరాడుతున్నా అల్లు అర్జున్లో మానవత్వం ఎక్కడా కానరాలేదన్నారు. ఈ అంశం అసెంబ్లీలో చర్చకు వచ్చిన సమయంలో సీఎం వివరాలు వెల్లడిస్తే.. అల్లు అర్జున్ కౌంటర్గా ప్రెస్మీట్పెట్టారని మండిపడ్డారు. ఆయన వెనుక బీఆర్ఎస్నేతలు కేసీఆర్, కేటీఆర్, హరీశ్రావు ఉన్నారని, వారి అండ చూసుకునే సీఎంకు కౌంటర్ఇచ్చారని ఆరోపించారు. అల్లు అర్జున్రేవతి కుటుంబానికి రూ.20 కోట్లు ఇవ్వాలని, లేకుంటే ఫిలించాంబర్ను వేలాది మందితో ముట్టడిస్తామని హెచ్చరించారు.
