అచ్చంపేట, వెలుగు: సైబర్ క్రైమ్ పై ప్రతి ఒక్కరూ అలెర్ట్గా ఉండాలని అచ్చంపేట డీఎస్పీ శ్రీనివాసులు అన్నారు. అచ్చంపేట పట్టణంలోని ఓ ఫంక్షన్ హాల్ లో సీఐ రవికుమార్ ఆధ్వర్యంలో సైబర్ జాగృతి దివాస్ ను పురస్కరించుకొని అచ్చంపేట పోలీస్ సర్కిల్ పరిధిలోని సీనియర్ సిటిజన్లకు సైబర్ క్రైమ్ పై అవగాహన కల్పించారు. ఇటీవల సైబర్ క్రైమ్ పెరిగిపోయిందని సైబర్ క్రైమ్పై వృద్ధులు మహిళలు, విద్యార్థులు అప్రమత్తంగా ఉండాలని సూచించారు. కార్యక్రమంలో అచ్చంపేట సర్కిల్ పరిధిలోని ఎస్సైలు రమేశ్, పవన్ కుమార్, వెంకటరెడ్డి, నాగరాజు, రమాదేవి పాల్గొన్నారు.
