అచ్చంపేట, వెలుగు: పార్లమెంట్ఎన్నికల్లో నాగర్ కర్నూల్ ను కాంగ్రెస్ పార్టీ గెలుచుకోవడం ఖాయమని అచ్చంపేట ఎమ్మెల్యే వంశీకృష్ణ, ఎంపీ అభ్యర్థి మల్లు రవి ధీమా వ్యక్తం చేశారు. ఆదివారం అచ్చంపేట మండలంలోని పల్కపల్లిలో నిర్వహించిన యూత్కాంగ్రెస్ సమ్మేళనానికి వారు హాజరై మాట్లాడారు. రాష్ట్ర ప్రభుత్వం చేపడుతున్న పథకాలను ప్రజలకు వివరించి ఓట్లు అడగాలన్నారు. అనంతరం బల్మూర్ మండలం కేంద్రంలో ప్రచారం నిర్వహించారు. కార్యక్రమంలో నేతలు రామనాథం, గోపాల్రెడ్డి, రమేశ్రెడ్డి, నర్సయ్య, వెంకట్రెడ్డి, ఖదీర్, అల్వాల్ రెడ్డి తదితరులు పాల్గొన్నారు.
