చండీగడ్: గ్యాంగ్స్టర్లపై పంజాబ్ పోలీసులు ఉక్కుపాదం మోపుతున్నారు. మోగా జిల్లాలో ఆదివారం తెల్లవారుజామున ముగ్గురు గ్యాంగ్స్టర్లను అరెస్ట్ చేసినట్లు పోలీసులు తెలిపారు. వాళ్లంతా లక్కీ పాటియాల్ గ్యాంగ్కు చెందినవాళ్లుగా గుర్తించారు. క్రిమినల్ ఇన్వెస్టిగేషన్ ఏజెన్సీ శనివారం రాత్రి మోగా జిల్లాలో బారికేడ్లు ఏర్పాటు చేసి వెహికల్స్ చెక్ చేస్తున్నది. అదే టైమ్లో అక్కడికి బైక్పై వచ్చిన ముగ్గురు గ్యాంగ్స్టర్లు.. పోలీసులను చూసి బైక్ టర్న్ చేసుకుని పారిపోయేందుకు ప్రయత్నించారు.
దీంతో వారిని పోలీసులు వెంబడించగా.. బైక్ వదిలేసి పొలాల్లోకి పారిపోయారు. పోలీసులపై గ్యాంగ్స్టర్లు కాల్పులు ప్రారంభించడంతో.. వాళ్లు ఎదురు కాల్పులు జరిపారు. తర్వాత ముగ్గురు గ్యాంగ్స్టర్లు లొంగిపోయినట్లు పోలీసులు వివరించారు. పారిపోయేందుకు ప్రయత్నింస్తుండగా.. ఓ గ్యాంగ్స్టర్కు గాయాలయ్యాయని తెలిపారు. కాల్పుల కారణంగా ఎవరూ గాయపడలేదని వివరించారు. వారి వద్ద నుంచి ఆయుధాలు, పేలుడు పదార్థాలు స్వాధీనం చేసుకున్నట్లు తెలిపారు. పంజాబ్ వ్యాప్తంగా 11 రోజుల్లో 8 ఎన్కౌంటర్లు జరిగాయి. శనివారం మోహలీ, పటియాలాలో రెండు ఎన్కౌంటర్లు జరగ్గా.. ముగ్గురిని అరెస్ట్ చేశారు. కాల్పుల్లో ఇద్దరికి గాయాలయ్యాయి.
