- సంగారెడ్డి జిల్లా రామచంద్రాపురంలో ఘటన
రామచంద్రాపురం, వెలుగు: సంగారెడ్డి జిల్లా రామచంద్రాపురం పరిధిలోని సాయినగర్ కాలనీలో ఆదివారం తెల్లావారుజామున భారీ చోరీ జరిగింది. ఇంట్లో అందరూ పడుకొని ఉండగానే 46 తులాల బంగారం, వెండి, నగదు చోరీకి గురయ్యాయి. బాధితుడు వేణుగోపాల్ రావు సైబరాబాద్కమిషనరేట్ రామచంద్రాపురంలోని సాయినగర్కాలనీలో తన కుటుంబ సభ్యులతో ఉంటున్నాడు. శనివారం రాత్రి భార్య, కుటుంబ సభ్యులు ఎవరి గదుల్లో వారు పడుకున్నారు. అల్మారా ఉన్న గదిలోకి ప్రవేశించిన ఓ దొంగ.. అందులోని 46 తులాల బంగారు నగలు, 20 తులాల వెండి, రూ.10 వేలు ఎత్తుకెళ్లాడు.
‘‘ఆదివారం తెల్లావారుజామున మేమంతా గాఢ నిద్రలో ఉన్నాం. దొంగ మెయిన్డోర్ పక్కనున్న కిటికీ తెరిచి ఇంట్లోకి వచ్చాడు. పోలీస్ డాగ్స్ వాసనను పసిగట్టకుండా ఉండాలని అక్కడి వస్తువులపై కారం చల్లి వెళ్లాడు’’ అని వేణుగోపాల్ పోలీసులకు ఫిర్యాదు చేశాడు. ఘటనా స్థలానికి చేరుకున్న పోలీసులు, క్లూస్ టీం చోరీపై అనుమానాలు వ్యక్తం చేశాయి. బాధితుడి ఫిర్యాదు మేరకు కేసు నమోదుచేసి దర్యాప్తు చేస్తున్నామని రామచంద్రాపురం పోలీసులు తెలిపారు.
