- 15 మంది విద్యార్థులకు అస్వస్థత
- ఆలస్యంగా వెలుగులోకి..
- విచారణ జరుపుతున్నామన్న అధికారులు
భైంసా, వెలుగు : నిర్మల్జిల్లా భైంసా మండలం దహెగాం ప్రభుత్వ స్కూల్లో ఫుడ్పాయిజన్ కావడంతో 15 మంది విద్యార్థులు అస్వస్థతకు గురయ్యారు. బాధిత విద్యార్థుల కుటుంబసభ్యులు కథనం ప్రకారం..గత గురువారం స్కూల్కు వెళ్లిన విద్యార్థులు మధ్యాహ్న భోజనం తిన్నారు. స్కూల్విడిచిపెట్టిన తర్వాత ఇంటికి వెళ్లాక వాంతులు, విరేచనాలు కావడంతో తల్లిదండ్రులు వారిని భైంసాలోని పలు ప్రైవేటు హాస్పిటల్స్కు తీసుకెళ్లారు.
ఆయా హాస్పిటల్స్లో సుమారు 15 మంది చికిత్స తీసుకున్నారు. సోమవారం ప్రైవేట్ హాస్పిటల్స్లో బిల్లులు కట్టలేక కొంతమంది తల్లిదండ్రులు వారి పిల్లలను ఏరియా హాస్పిటల్లో జాయిన్ చేయించారు. ఇందులో వినయ్అనే బాలుడి పరిస్థితి విషమంగా ఉన్నట్లు తెలిసింది. ఐదు రోజుల క్రితం ఈ ఘటన జరిగినా విద్యాశాఖ అధికారులు, టీచర్లు పట్టించుకోవడం లేదని తల్లిదండ్రులు ఆవేదన వ్యక్తం చేశారు.
సోమవారం ఓపీడీ విభాగం, స్కానింగ్మెషీన్ప్రారంభించేందుకు వచ్చిన ఎమ్మెల్యే రామారావు పటేల్కు విషయం తెలియడంతో విద్యార్థులకు మెరుగైన వైద్య సేవలందించాలని డాక్టర్లను ఆదేశించారు. దీనిపై ఎంఈవో సుభాష్ను వివరణ కోరగా.. విద్యార్థులు అస్వస్థతకు గురైన విషయం ఆలస్యంగా తెలిసిందని, స్కూల్లోనే ఫుడ్ పాయిజన్ జరిగిందా? లేక ఇంకేమైనా కారణాలున్నాయనే దానిపై విచారణ చేస్తున్నామన్నారు. ప్రస్తుతం విద్యార్థులందరూ బాగానే ఉన్నారన్నారు.
