- రిటైర్డ్ ప్రొఫెసర్ కంచ ఐలయ్య
జనగామ అర్బన్, వెలుగు : రజక కులస్తులు ఉతికిన బట్టలను లీడర్లు వేసుకుంటున్నారు.. కోఠి విమెన్స్ కాలేజీకి చాకలి ఐలమ్మ యూనివర్సిటీగా నామకరణం చేశారు కానీ.. వారి కష్టాలను అర్థం చేసుకోవట్లేదని రిటైర్డ్ -ప్రొఫెసర్ కంచ ఐలయ్య అన్నారు. రాబోయే రోజుల్లో చాకలి కులస్తులకు సంక్షేమ పథకాల్లో పెద్దపీట వేస్తూ అభివృద్ధి దిశగా తీసుకెళ్లాలని రాష్ట్ర ప్రభుత్వాన్ని కోరుతానని ఆయన హామీ ఇచ్చారు.
తెలంగాణ రజక రిజర్వేషన్సమితి మూడో మహాసభ జనగామ టౌన్ లోని ఎన్ఎంఆర్ గార్డెన్స్లో ఆదివారం నిర్వహించారు. జనగామ జిల్లా అధ్యక్షుడు ఎదునూరి నరేష్ అధ్యక్షతన జరగగా.. చీఫ్ గెస్ట్గా కంచ ఐలయ్య హాజరై మాట్లాడారు. రజక రిజర్వేషన్ సమితి రాష్ట్ర అధ్యక్షుడు గోపి మాట్లాడుతూ .. రాష్ట్రంలోని రజక కులస్తులను ఎస్సీ జాబితాలో చేర్చాలని, పెన్షన్ సదుపాయం కల్పించాలని కోరారు. కార్యక్రమంలో మున్సిపల్ చైర్పర్సన్ పోకల జమున, జిల్లా గ్రంథాలయ చైర్మన్ మారుజోడు రాంబాబు, డాక్టర్ శ్రీనివాస్ స్వామీజీతో పాటు 33 జిల్లాల కమిటీ సభ్యులు అధ్యక్షులు, కార్యవర్గ సభ్యులతో పాటు రజక కులస్తులు భారీగా పాల్గొన్నారు.
