ఎమ్మెల్యే సంజీవరెడ్డి
పెద్దశంకరంపేట, వెలుగు: ఇండ్లు లేని నిరుపేదలను ఆదుకోవడమే ప్రభుత్వ లక్ష్యమని ఎమ్మెల్యే సంజీవరెడ్డి అన్నారు. శనివారం పెద్దశంకరంపేట మండల పరిధిలోని చీలపల్లిలో ఇందిరమ్మ ఇళ్ల పథకం యాప్ను కలెక్టర్ రాహుల్ రాజ్ తో కలిసి ఎమ్మెల్యే ప్రారంభించారు. ఈ సందర్బంగా ఆయన మాట్లాడుతూ.. తమ నియోజకవర్గానికి అదనంగా ఇండ్లు మంజూరు చేయాలని జిల్లా ఇన్చార్జి మంత్రిని కోరినట్లు తెలిపారు.
కలెక్టర్ మాట్లాడుతూ క్షేత్రస్థాయిలో ఇందిరమ్మ ఇళ్ల సర్వే చేపట్టాలని అధికారులకు సూచించారు. ప్రభుత్వ మార్గదర్శకాలకు అనుగుణంగా లబ్ధిదారుల వివరాలను సేకరిస్తూ ఆన్లైన్లో నమోదు చేయాలని ఆదేశించారు. కార్యక్రమంలో డీపీవో యాదయ్య, తహసీల్దార్ గ్రేసీబాయి, ఎంపీడీవో రఫీ ఉన్నీసా, మండల కాంగ్రెస్ అధ్యక్షుడు మధు, సంతోష్ కుమార్, రాజన్ గౌడ్, సంగమేశ్వర్, రాములు పాల్గొన్నారు.
సీసీరోడ్లు, డ్రైనేజీలకు శంకుస్థాపన
నారాయణ్ ఖేడ్: ఖేడ్ మున్సిపల్పరిధిలోని వివిధ వార్డుల్లో రూ.20 కోట్లతో నిర్మించే సీసీరోడ్లు, డ్రైనేజీల నిర్మాణానికి ఎంపీ సురేశ్షెట్కార్, ఎమ్మెల్యే సంజీవరెడ్డి శంకుస్థాపన చేశారు. అనంతరం వారు మాట్లాడుతూ.. గత బీఆర్ఎస్ప్రభుత్వం పదేళ్లలో ఖేడ్ పట్టణంలో ఎలాంటి అభివృద్ధి పనులు చేపట్టలేదన్నారు. కార్యక్రమంలో సుధాకర్ రెడ్డి, మున్సిపల్ కమిషనర్ జగ్జీవన్, మున్సిపల్ చైర్మన్ ఆనంద్ స్వరూప్ షెట్కార్, వైస్ చైర్మన్ శంకర్, కౌన్సిలర్లు, తహేర్ అలీ, వినోద్ పాటిల్, పండరి రెడ్డి, ముంతాజ్ సెట్ పాల్గొన్నారు.
