- కలెక్టర్ క్రాంతి
సంగారెడ్డి టౌన్, వెలుగు: స్కూళ్ల అభివృద్ధి పనులు స్పీడప్చేయాలని కలెక్టర్ క్రాంతి అధికారులను ఆదేశించారు. శుక్రవారం జిల్లాలోని గవర్నమెంట్ స్కూల్స్, గురుకులాలు, మోడల్ స్కూల్స్, కాలేజీలు, హాస్టళ్లలో మౌలిక వసతుల కల్పనపై సంబంధిత అధికారులతో సమావేశం నిర్వహించారు. ఈ సందర్భంగా కలెక్టర్ మాట్లాడుతూ.. ప్రతి విద్యాసంస్థలో తీసుకున్న చర్యలపై సమగ్ర నివేదిక అందించాలని ప్రభుత్వం చేపట్టిన వివరాలను సమర్పించాలని ఆదేశించారు. ఇంకా పూర్తికాని పనులను గుర్తించి నివేదికలు తయారు చేయాలన్నారు .
నీటి సరఫరా, మరుగుదొడ్లు, విద్యుత్ సరఫరా వంటి అంశాలను పరిశీలించి వాటిని మెరుగుపరచాలని సూచించారు. హాస్టళ్లలో మెనూ ప్రకారం పోషకాహారం భోజన పెట్టాలని ఆదేశించారు. వసతి గృహాల్లో శుభ్రతను పరిశీలించాల్సిన బాధ్యత ఎంపీడీవో, జీపీ సెక్రటరీలకు ఉందన్నారు. సమావేశంలో అడిషనల్కలెక్టర్ చంద్రశేఖర్, ట్రైనీ కలెక్టర్ మనోజ్, ఈఈపీఆర్జగదీశ్, డీఈవో వెంకటేశ్వర్లు పాల్గొన్నారు.
